“Të më vrisnin mua në vend të Caushit!”/ Grabitja në Mallakastër, rrëfimi prekës i të moshuarës që i vdiq burri nga dhuna e grabitësve

Çaush Shehaj, 89-vjeçari që ra pre e një grabitje me dhunë në banesën e tij në Mallakastër ka ndërruar jetë në spital.

Pas ngjarjes, News24 ka shkuar në banesën e 89-vjeçarit që ndërroi jetë pasi u dhunua nga grabitës të armatosur, në Klos të Mallakastrës.

Gazetari Ervis Kuçi ka siguruar dëshminë e gruas së viktimës, Çaush Shehajt.

E moshuara tha se ishin dy të rinj ata që i dhunuan ndërsa burri i saj vdiq nga dhuna. E moshuara, e ulur pranë oxhakut të banesës së vjetër, mes lotësh lutet që të ishte ajo në vend të burrit të saj.

“Ishin të rinj ata që na dhunuan. Na dhunuan 2 djem të rinj. S’më vranë mua në vend të Caushit. Caushin e vranë fare. Mua më vranë. Më rrahën”, tha e moshuara.